2010 оны 1 сарын 14-ний өдрөөс эхэллээ. Т.Бадамжунай сайд энэхүү айлчлалынхаа хүрээнд Холбооны Эдийн Засгийн хамтын ажиллагаа, хөгжлийн яамны Парламентын төрийн нарийн бичгийн дарга хатагтай Г. Копптой уулзалт хийв.

Уулзалтанд монголын талаас Монгол Улсаас ХБНГУ-д суугаа Онц бөгөөд Бүрэн эрхт Элчин сайд Б.Даваадорж УИХ-ын гишүүн Э.Бат-Үүл, УИХ-ын гишүүн, Б.Бат-Эрдэнэ, УИХ-ын гишүүн Д.Тэрбишдагва, УИХ-ын гишүүн Н.Батбаяр, УИХ-ын гишүүн Д.Одбаяр, Сэлэнгэ аймгийн Засаг дарга Ж.Эрдэнэбат нар оролцов.

Сайд Т.Бадамжунай Монгол Улсын хүнс, хөдөө аж ахуй, хөнгөн үйлдвэрийн салбарын өнөөгийн байдлын талаар товч мэдээлэл хийж, Монгол Улсын Их Хурал болон Монгол Улсын Засгийн газраас хүнс, хөдөө аж ахуйн салбарыг эдийн засгийн хөгжлийн гол салбараар тодорхойлсон болохыг германы талд мэдэгдэн дараах чиглэлүүдээр ХБНГУ-тай нягт хамтран ажиллаж, энэхүү чиглэлээр хөгжлийн бодлогын хамтын ажиллагааг хөгжүүлэн германы тусламж дэмжлэгийг авах сонирхолтой байгааг дурдав. Үүнд:

1. Хөдөө аж ахуй, хүнсний үйлдвэрлэл,
2. Мал аж ахуй
3. Хөдөө аж ахуйн техник, тоног төхөөрөмж дамжуулах
4. Хоршооллын системийг нэвтрүүлэх.

Хатагтай Г.Копп ХБНГУ-ын Засгийн газрын хөгжлийн бодлогод шинээр зарим өөрчлөлт орж байгаа болон цаашид хоёр талын хамтын ажиллагаанд хөгжлийн зээл тусламж түлхүү өгөхөөр болсныг мэдэгдэв. ХБНГУ-ын Засгийн газар Монгол Улсад анх 1991 оноос хойш хөгжлийн бодлогын тусламж олгож байгаа бөгөөд Европын Холбоо дахь манай хамгын том хандивлагч орон билээ.

Хатагтай Г.Копп монголын талаас тавьж буй санал хүсэлтийг нааштай хүлээн авч, хоёр орны хоорондын хөдөө аж ахуйн салбарын хамтын ажиллагааны хүрээнд германы үлгэр жишээ аж ахуй байгуулах, германы хөдөө аж ахуйн техник, тоног төхөөрөмжийг дамжуулах, малын түүхий эдийг боловсруулан экспортлоход дэмжлэг үзүүлэхээ илэрхийлэв.

Мөн хатагтай Г.Копп Монгол Улсад түүхий эдийн биржийн ТЭЗҮ-ийн судалгаа хийгдсэн тухай мэдээлэл авснаа дурдаад уг салбарт мэргэжилтэн бэлтгэхэд германы талаас тусламж үзүүлэн хамтран ажиллахад бэлэн байгааг илэрхийлжээ.